தமிழகத்தில் உள்ள அனைத்து அரசு பள்ளிகளிலும் பிளஸ் டூ மாணவர்களுக்கு பள்ளிகளிலேயே நீட் பயிற்சி வழங்கப்படும் என அரசு அறிவித்துள்ளது.
தமிழகத்தில் கொரோனா அச்சுறுத்தல் காரணமாக கடந்த மார்ச் மாதம் பள்ளி மற்றும் கல்லூரிகள் அனைத்தும் மூடப்பட்டன. அதனால் மாணவர்கள் அனைவருக்கும் ஆன்லைன் மூலமாக வகுப்புகள் நடத்தப்பட்டு வந்தன. இதற்கு மத்தியில் 10 மற்றும் 12ஆம் வகுப்பு மாணவர்களுக்கு பொதுத்தேர்வு நெருங்கிக் கொண்டிருப்பதால், மாணவர்களின் பெற்றோர்களிடம் பள்ளிகள் திறப்பது பற்றி கருத்து கேட்கப்பட்டது. அதற்கு 90% பெற்றோர்கள் சம்மதம் தெரிவித்த நிலையில் ஜனவரி 19ஆம் தேதி 10 மற்றும் 12ஆம் வகுப்பு மாணவர்களுக்கு பள்ளிகள் திறக்கப்பட்டது. தற்போது அரசு பள்ளிகளில் 92 சதவீத மாணவர்கள் வருகை புரிந்துள்ளதால் வகுப்புகள் நடந்து கொண்டிருக்கின்றன.
இந்நிலையில் தமிழகத்தில் பிளஸ் 2 மாணவர்களுக்கு பள்ளிகளிலேயே நேரடியாக நீட் பயிற்சி வழங்கப்படும் என பள்ளி கல்வித்துறை அறிவித்துள்ளது. மாணவர்களுக்கு தினமும் மாலையில் பள்ளி முடிந்த பிறகு ஒரு மணி நேரம் கூடுதலாக நீர் பயிற்சி அளிக்கவும், வார இறுதியில் நீட் தொடர்பாக கூறும் தேர்வுகள் நடத்தி மதிப்பீடு செய்யவும் உத்தரவிட்டுள்ளது. அதனால் அரசு பள்ளி மாணவர்கள் அனைவரும் மிகுந்த மகிழ்ச்சி அடைந்துள்ளனர்.