11 ஆம் வகுப்பு மாணவர்களுக்கு 40% அளவிற்கு பாடத்திட்டங்கள் குறைக்கப்படும் என்று அதிகாரிகள் தெரிவித்துள்ளனர்.
நாடு முழுவதும் கொரோனா பரவல் காரணமாக பள்ளிகள் மற்றும் கல்லூரிகள் மூடப்பட்டன. இதையடுத்து மாணவர்களுக்கு ஆன்லைன் வகுப்புகள் நடத்தப்பட்டு வருகிறது. இந்நிலையில் பள்ளி திறப்பு குறித்து சந்தேகம் எழுந்த நிலையில் பெற்றோரின் கருத்து கேட்பிற்கு பிறகு 10 மற்றும் 12ம் வகுப்பு மாணவர்களுக்கு பள்ளிக்கூடங்கள் திறக்கப்பட்டன.
இந்நிலையில் 9 ,10, 12ஆம் வகுப்புகளுக்கு புதிய பாடத்திட்டங்கள் குறைக்கப்பட்ட நிலையில் 11-ம் வகுப்பு பாட திட்டங்கள் குறைக்கப்படுவதாக பள்ளிக் கல்வித்துறை அதிகாரிகள் தகவல் தெரிவித்துள்ளனர். 11 வகுப்பிற்கு 40 சதவீதம் அளவிற்கு பாடத்திட்டங்கள் குறைக்கப்படும் என்றும், விரைவில் 9 , 11ஆம் வகுப்பு மாணவர்களுக்கு பள்ளி திறக்கப்படும் என அதிகாரிகள் தகவல் தெரிவித்துள்ளனர்.