நாளை முதல் என்னென்னெ விதிமுறைகள் மாற் இருக்கின்றன என்பது குறித்து இப்போது பார்க்கலாம்.
ஒவ்வொரு மாதமும் அரசு பலவகையான புதிய விதிமுறைகளை அறிமுகப்படுத்துவது வழக்கம். அந்த வகையில் மக்களின் அன்றாட வாழ்க்கையுடன் தொடர்புடைய பல்வேறு விதிமுறைகளை பிப்ரவரி 1-ம் தேதி(நாளை) முதல் அமலுக்கு வருகின்றன. அவை என்னவென்று பார்க்கலாம்.
சமையல் எரிவாயு:
ஒவ்வொரு மாதமும் முதல் தேதியில் எல்பிஜி கேஸ் சிலிண்டரின் விலை எண்ணெய் நிறுவனங்களால் மாற்றப்படும். அதன்படி நாளை கேஸ் சிலிண்டர் விலையில் மாற்றம் இருக்கும்.
பட்ஜெட் 2021:
மத்திய பட்ஜெட்-2021 நாளை தாக்கல் செய்யப்படுகிறது. கொரோனா நெருக்கடியில் முதல் பட்ஜெட் என்பதால் மக்களிடையே அதிக எதிர்பார்ப்புகள் அதிகரித்துள்ளன. மேலும் இந்த பட்ஜெட் மூலமாக மக்களுக்கு கொரோனா நிவாரணம் கிடைக்கும் என்று எதிர்பார்க்கப்படுகிறது.
பாஸ்டேக்:
நாட்டில் உள்ள அனைத்து வாகனங்களுக்கும் பிப்ரவரி 15ஆம் தேதி முதல் பாஸ்டேக் கட்டாயம் என்று மத்திய அரசு அறிவித்தது. M மற்றும் N வாகனங்களுக்கு ஜனவரி 1ம் தேதி முதல் பாஸ்டேக் கட்டாயம் என்று ஏற்கனவே அறிவிக்கப்பட்டிருந்தது. இந்நிலையில் சில சுங்க சாவடிகளில் இன்னமும் கட்டணம் வசூலிக்கப்பட்டு வருகிறது. இதையடுத்து பிப்-15 முதல் அனைத்து வாகனங்களுக்கும் பாஸ்டேக் கட்டாயம் என்று அறிவிக்கப்பட்டுள்ளது.
ஏடிஎம்மில் பணம் எடுத்தல்:
பஞ்சாப் நேஷனல் வங்கி ஏடிஎம்களில் பணம் எடுப்பதற்கு புதிய விதிமுறைகளை அறிமுகப்படுத்தியது. மோசடிகளை தவிர்க்கும் நோக்கில் Non-EMV ரக ஏடிஎம் இயந்திரங்களில் பணம் எடுக்க கட்டுப்பாடுகள் விதிக்கப்பட்டுள்ளது.
EPFO:
கொரோனா காலகட்டத்தில் முதியோரின் பாதுகாப்பு கருதி பென்சன் வாங்கும் ஓய்வூதியர்கள் தங்களது ஜீவன் பிரமாணப் பத்திரத்தை சமர்ப்பிப்பதற்கான கடைசி தேதி பிப்ரவரி-28ம் தேதி வரை நீட்டிக்கப்படுவதாக EPFO அறிவித்துள்ளது.
விமான சேவை:
நாளை முதல் புதிய வெளிநாட்டு வழித்தடங்களில் விமானங்களை இயக்கப்போவதாக ஏர் இந்தியா நிறுவனம் அறிவித்துள்ளது.