நடிகர் ராஜ்கிரன் நடித்த என் ராசாவின் மனசிலே படத்தின் இரண்டாம் பாகம் திரைக்கதை அமைத்து இயக்க உள்ளதாக அறிவித்துள்ளார்.
தயாரிப்பாளராகவும், விநியோகஸ்தராக இருந்த ராஜ்கிரண் என் ராசாவின் மனசிலே படத்தின் மூலமாக கதாநாயகனாக அறிமுகமானார். அதைத்தொடர்ந்து 2000 வரை கதாநாயகனாக நடித்த அவர் பின்னர் நந்தா திரைப்படத்தின் மூலம் குணச்சித்திர வேடத்தில் நடிக்க தொடங்கினார். இதுவரை தமிழில் பல படங்களில் குணசித்திர நடிகராக நடித்துள்ளார். இந்நிலையில் அவரின் முதல் படமான என் ராசாவின் மனசிலே படத்தின் இரண்டாம் பாகத்தை உருவாக்க உள்ளதாக தெரிவித்து இருந்தார். அது குறித்து முக்கிய தகவலை வெளியிட்டுள்ளார்.
அவருடைய சமூக வலைத்தள பக்கத்தில் இறை அருளால் இன்று என் மகன் திப்பு சுல்தான் நைனார் முஹம்மது அவர்களின் இருபதாவது பிறந்த நாள். என் ராசாவின் மனசிலே இரண்டாம் பாகத்துக்கான கதையை எழுதி முடித்துவிட்டு திரைக்கதையை எழுதி கொண்டு இருக்கிறார் .அவரே படத்தை இயக்கவும் உள்ளார். அவர் மிகப்பெரும் வெற்றிப்பட இயக்குனராக மாற வேண்டும் என்று வாழ்த்துகிறேன் என தெரிவித்திருந்தார்.