தனியார் பேருந்து மோதி அரிசி வியாபாரி உயிரிழந்த சம்பவம் சோகத்தை ஏற்படுத்தியுள்ளது.
புதுக்கோட்டை மாவட்டத்தில் உள்ள பழங்குடிபட்டியைச் சேர்ந்தவர் தமிழ்ச் செல்வன். இவருடைய மகன் சிவசங்கர் என்பவர் அரிசி கடை வைத்து நடத்தி வந்தார். இவர் தன்னுடைய சொந்த வேலைக்காக நேற்று மதியம் இழும்பூருக்கு தனது இருசக்கர வாகனத்தில் சென்றுள்ளார். அந்த சமயத்தில் எதிரே வந்த தனியார் பேருந்து ஒன்று சிவசங்கரின் இருசக்கர வாகனத்தின் மீதும் மோதியுள்ளது. இதில் பலத்த காயமடைந்த சிவசங்கரை அருகில் உள்ளவர்கள் தனியார் மருத்துவமனைக்கு அனுப்பி வைத்துள்ளனர்.
அங்கு டாக்டர்கள் சிகிச்சை அளித்தும் பலன் அளிக்காத காரணத்தினால் பரிதாபமாக உயிரிழந்தார். இச்சம்பவம் குறித்து தகவல் அறிந்ததும் காவல்துறையினர் சிவசங்கரின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். பின்பு தனியார் பேருந்தை ஓட்டி வந்த செல்வம் என்பவர் மீது வழக்கு பதிவு செய்து காவல் துறையினர் விசாரணை நடத்தி வருகின்றனர்.