தமிழகத்தில் பிப்ரவரி 8-ஆம் தேதி முதல் கல்லூரி திறக்கப்படும் நிலையில் வாரத்தில் 6 நாட்கள் கல்லூரிகள் செயல்பட தமிழக அரசு உத்தரவிட்டுள்ளது.
தமிழகத்தில் கொரோனா அச்சுறுத்தல் காரணமாக கடந்த மார்ச் மாதம் பள்ளி மற்றும் கல்லூரிகள் அனைத்தும் மூடப்பட்டன. அதனால் மாணவர்கள் அனைவருக்கும் ஆன்லைன் மூலமாக வகுப்புகள் நடத்தப்பட்டு வருகின்றன. கொரோனா பாதிப்பு குறைந்து வரும் நிலையில் தமிழகத்தில் 10 மற்றும் 12ஆம் வகுப்பு மாணவர்களுக்கு மட்டும் பள்ளிகள் திறக்கப்பட்டுள்ள நிலையில், பிப்ரவரி 8-ஆம் தேதி முதல் 9 மற்றும் 11ஆம் வகுப்பு மாணவர்களுக்கு பள்ளிகள் திறக்கப் படுகிறது. இதனை அடுத்து கடந்த டிசம்பர் மாதம் கல்லூரி இறுதியாண்டு மாணவர்களுக்கு மட்டும் கல்லூரிகள் திறக்கப்பட வகுப்புகள் நடந்து கொண்டிருக்கின்றன.
இந்நிலையில் தமிழகத்தில் பிப்ரவரி 8-ஆம் தேதி முதல் கல்லூரிகளை திறக்க தமிழக அரசு உத்தரவிட்டுள்ளது. அதன்படி பிப்ரவரி 8-ஆம் தேதி முதல் திறக்கப்படும் கல்லூரிகள் வாரத்திற்கு ஆறு நாட்கள் செயல்படலாம் என தமிழக அரசு அறிவித்துள்ளது. கொரோனா ஊரடங்கு காரணமாக பகுப்புகள் சரியாக நடைபெறாததால், இந்த கல்வி ஆண்டு முழுவதும் கல்லூரிகள் வாரத்தில் ஆறு நாட்கள் செயல்படும் என அரசாணையில் குறிப்பிட்டுள்ளது.