ஹரி- அருண் விஜய் கூட்டணியில் உருவாகும் படத்தில் ‘அசுரன்’ பட நடிகை இணைந்துள்ளதாக படக்குழு அறிவித்துள்ளது .
தமிழ் திரையுலகில் சாமி, வேல், ஆறு ,பூஜை ,சிங்கம் என பல்வேறு ஹிட் திரைப்படங்களை கொடுத்த இயக்குனர் ஹரி அடுத்ததாக நடிகர் அருண் விஜய் நடிக்கும் படத்தை இயக்க உள்ளார் . இந்த படத்தில் கதாநாயகியாக பிரியா பவானி சங்கர் நடிக்கிறார் . மேலும் முக்கிய கதாபாத்திரத்தில் யோகிபாபு, பிரகாஷ்ராஜ், கேஜிஎப் பட வில்லன் ராமச்சந்திர ராஜூ , குக் வித் கோமாளி புகழ் உள்ளிட்ட பலர் முக்கிய கதாபாத்திரத்தில் நடிக்கவுள்ளனர் .
இந்நிலையில் தனுஷின் ‘அசுரன்’ படத்தில் நடித்து பிரபலமடைந்த அம்மு அபிராமி இந்த படத்தில் இணைந்துள்ளதாக படக்குழுவினர் அதிகாரப்பூர்வமாக அறிவித்துள்ளனர் . இதனால் இந்த படத்தின் மீதான எதிர்பார்ப்பு ரசிகர்களிடையே அதிகரித்துள்ளது .