இந்தியாவின் கொரோனா தடுப்பூசியை கேட்டு உலக நாடுகள் அனைத்தும் முந்தியடித்துக் கொண்டு போட்டியிடுவதாக மத்திய சுகாதாரத்துறை அமைச்சர் தெரிவித்துள்ளார்.
சீனாவில் தோன்றிய கொரோனா வைரஸ் தற்போது உலக நாடுகள் முழுவதிலும் பரவி அனைவரையும் ஆட்டிப் படைத்துக் கொண்டிருக்கிறது. அதனால் தற்போது வரை ஏராளமான உயிரிழப்புகள் ஏற்பட்டுள்ளன. அதனை கட்டுப்படுத்துவதற்கு உலக நாடுகள் அனைத்தும் பல்வேறு முயற்சிகளை செய்து வந்தாலும் இன்னும் கொரோனா பாதிப்பு குறைந்த பாடில்லை. அதற்கு எதிரான தடுப்பு ஊசி எப்போதும் மக்கள் பயன்பாட்டிற்கு வரும் என மக்கள் அனைவரும் மிகுந்த எதிர்பார்ப்புடன் காத்திருக்கின்றனர். வல்லரசு நாடுகளான ரஷ்யா, அமெரிக்கா என அனைத்து நாடுகளும் தடுப்பூசி கண்டறியும் முயற்சியில் தீவிரம் காட்டி வருகின்றன.
இந்நிலையில் இந்தியா இதற்கான தடுப்பூசியை கண்டறிந்து உலக நாடுகளுக்கு வினியோகம் செய்து வருகிறது. தடுப்பூசிகளை அதிக அளவில் உற்பத்தி செய்து வருகிறது. இந்தியாவின் இந்த உற்பத்தி திறன் உலகிற்கே கிடைத்துள்ள மிகப்பெரிய சொத்து. இதனைப் பிற உலக நாடுகள் பயன்படுத்திக் கொள்ள வேண்டும். இவ்வாறு ஐநா பொதுச்செயலாளர் ஆண்டனியோ கருத்து தெரிவித்துள்ளார்.
இதனை தொடர்ந்து இந்தியாவின் கொரோனா தடுப்பூசி வேண்டும் என்ற 22 நாடுகளில் இருந்து கோரிக்கை வந்துள்ளதாக மத்திய சுகாதாரத்துறை அமைச்சர் ஹர்ஷ்வர்தன் தெரிவித்துள்ளார். தடுப்பூசியை பயன்படுத்தியவர்களுக்கு இதுவரை பெரிய பாதிப்புகள் எதுவும் வராததால் இந்திய தடுப்பூசிகளை கேட்டு உலக நாடுகள் கோரிக்கை வைக்கின்றனர்.