உத்தரகாண்ட் மாநிலத்தில் பனிச்சரிவு காரணமாக ஆற்றில் வெள்ளப்பெருக்கு ஏற்பட்டதால் 150 பேர் காணாமல் போயுள்ளதாக தகவல் வெளியாகியுள்ளது.
உத்தரகாண்ட் மாநிலம் சமோலி மாவட்டத்தில் உள்ள தவுளிகங்கா ஆற்றில் பனிச்சரிவு காரணமாக திடீரென வெள்ளப்பெருக்கு ஏற்பட்டுள்ளது. வெள்ளப்பெருக்கு காரணமாக 100 முதல் 150 பேர் வரை காணாமல் போயிருப்பதாக உத்தரகாண்ட் தலைமைச் செயலாளர் ஓம்.பிரகாஷ் தெரிவித்துள்ளார். இந்த வெள்ளத்தால் ஒரு பாலமே தகர்ந்துள்ளது. பாதிப்பு ஏற்பட்ட பகுதிக்கு மீட்டு படைகளும், மீட்பு விமானங்களும் அனுப்பப்பட்டுள்ளன.
மேலும் காணாமல் போன 150 பேரை தேடும் பணி தீவிரமாக நடந்து கொண்டிருக்கிறது. இன்னும் எத்தனை பேர் காணவில்லை என்ற தகவல் முழுமையாக கிடைக்கவில்லை. மீட்புக் குழுவினர் தீவிர பணியில் ஈடுபட்டு வருகிறார்கள்.