‘இந்தியன் 2’ படத்தின் படப்பிடிப்பு தாமதமாவதால் முக்கிய பிரபலம் ஒருவர் படத்திலிருந்து விலகுவதாக தகவல் வெளியாகியுள்ளது .
தமிழ் திரையுலகில் பிரபல இயக்குனர் ஷங்கர் இயக்கத்தில் உலகநாயகன் கமல்ஹாசன் நடிக்கும் திரைப்படம் ‘இந்தியன்2’ . இந்த படத்தின் படப்பிடிப்பு தளத்தில் எதிர்பாராதவிதமாக ஏற்பட்ட விபத்து காரணமாக நிறுத்தப்பட்ட படப்பிடிப்பு இன்று வரை தொடங்கப்படவில்லை . இந்நிலையில் இந்தியன் 2 படத்தில் இருந்து ஒளிப்பதிவாளர் ரத்னவேலு விலகுவதாக தகவல் வெளியாகியுள்ளது .
இந்த படத்தின் படப்பிடிப்பு தாமதமாகி வருவதாலும், இதனால் வேறு படங்களில் ஒப்பந்தமாக முடியாத காரணத்தாலும் ரத்தினவேலு இத்தகைய முடிவு எடுத்துள்ளதாக கூறப்படுகிறது . ஆனால் இதுகுறித்து படக்குழு தரப்பில் எந்த ஒரு அதிகாரப்பூர்வ அறிவிப்பும் வெளியாகவில்லை . முதலில் இந்தப் படத்தில் ஒப்பந்தமாகிய ஒளிப்பதிவாளர் ரவிவர்மன் விலகியதால் ரத்னவேலுவை படக்குழுவினர் ஒப்பந்தம் செய்தனர் . தற்போது அவரும் விலக இருப்பதாக கூறப்படுவது ‘இந்தியன் 2’ படத்திற்கு பெரும் பின்னடைவாக அமைந்துள்ளது .