அமெரிக்காவிலிருந்து நார்வேக்கு சக்திவாய்ந்த போர் விமானங்களை அனுப்பவுள்ளதாக ஜோபைடன் தெரிவித்துள்ளார்.
ரஷ்யா ஆர்டிக் பகுதிகளில் மிகக்கடுமையாக நடவடிக்கைகளை செயல்படுத்தினால் அமெரிக்கா அதன் நட்பு நாடுகளை காக்கும் என்பதை ரஷ்ய ஜனாதிபதி புடினுக்கு புரியச் செய்யும் நோக்கில் அமெரிக்க அதிபர் ஜோ பைடன் அதிக சக்தி கொண்ட போர் விமானங்களை நார்வேக்கு அனுப்புவதோடு மட்டுமல்லாமல் நார்வேயில் இருக்கும் ஆர்லாண்ட் என்ற விமான தளத்திற்கு சுமார் 200 அமெரிக்காவின் ராணுவ வீரர்களும் அனுப்பப்படுவார்கள் என்று தெரிவிக்கப்பட்டுள்ளது.
இதனைத்தொடர்ந்து வரும் மூன்று வாரங்களுக்குளாக இந்த நடவடிக்கையானது ஆர்டிக் வட்டம் மற்றும் ரஷ்யாவின் வட மேற்கு கடற்கரையின் சர்வதேச வான்வெளியில் துவங்கும் என்று தெரிவிக்கப்பட்டுள்ளது. ஆனால் இதற்கு முன்பு பிரிட்டன்தான் ஆர்டிக் பகுதியில் ராணுவ நடவடிக்கைகளை மேற்கொண்டு வந்துள்ளது. எனினும் ரஷ்யாவின் இந்த கடுமையான நடவடிக்கைகளுக்கு எச்சரிக்கை விடுக்கும் விதமாக அமெரிக்காவின் தற்போதைய நடவடிக்கை அமையும் என்று கூறப்பட்டுள்ளது. அதாவது ரஷ்யாவை ஒத்துழைத்து சென்ற டிரம்ப்பின் அரசை போல ஜோ பைடன் நிர்வாகம் செயல்படாது என்றும் தெரிவிக்கப்பட்டுள்ளது.