வாழையிலை கழிவுகளை பிரித்து விமான பாகம் தயாரிக்க முடியும் என்று மயில்சாமி அண்ணாதுரை தெரிவித்துள்ளார்.
திருச்சியில் உள்ள தேசிய வாழை ஆராய்ச்சி மையத்தில் நேற்று வாழைத்தார்கள் அறுவடைக்கு பிறகு கிடைக்கும் கழிவுகளை பயன்படுத்தி, அதனை ஆக்கபூர்வமான பொருளாக மாற்றுவதற்கான நிகழ்ச்சி நடைபெற்றது. இந்த நிகழ்ச்சியில் விண்வெளி ஆராய்ச்சி அமைப்பின் முன்னாள் இயக்குனர், தமிழ் அறிவியல் மற்றும் தொழில்நுட்ப கவுன்சில் துணைத் தலைவருமான விஞ்ஞானி மயில்சாமி அண்ணாதுரை கலந்து கொண்டு நிகழ்ச்சியை தொடங்கி வைத்தார்.
வாழையில் நிலையான கழிவு மேன்மைக்கு எனது பங்களிப்பு எப்போதும் உண்டு. வாழை அறுவடைக்கு பிறகு சுமார் 80 பில்லியன் டன் கழிவு பொருட்கள் வீணாகிறது. தொழில்துறை இருந்தபோதிலும் இதனை பயன்படுத்துவதில்லை. வாழை நாரை பிரித்து எடுத்த பிறகு உருவாக்கப்படும் கழிவுகளை ஒளி பேனல்கள் மற்றும் விமானங்களை தயாரிக்க பயன்படுத்த முடியும். காய்கறிகள் மற்றும் பழங்களின் விளைச்சலை அதிகரிப்பதற்கும் கார்பன் அளவைக் குறைப்பதற்கும், வாழைப்பட்டை சாறு ஒரு சிறந்த ஊட்டச்சத்து என்று கூறினார்.