கார் மோதிய விபத்தில் முன்னாள் ராணுவ வீரர் உயிரிழந்த சம்பவம் சோகத்தை ஏற்படுத்தி உள்ளது.
விருதுநகர் மாவட்டத்தில் உள்ள ஹவுசிங் போர்டு காலனியில் தளவாய் பாண்டியன் என்ற முன்னாள் ராணுவ வீரர் வசித்து வருகிறார். இவர் நாள்தோறும் காலை நேரத்தில் நடைப்பயிற்சி செய்வதை வழக்கமாக வைத்துள்ளார். அதன்படி தனது சகோதரர் சஞ்சீவி பாண்டியன் என்பவருடன் தளவாய் பாண்டியன் நடை பயிற்சி மேற்கொண்டுள்ளார். இவர்கள் ஆர்.டி.ஓ அலுவலகம் அருகில் சென்று கொண்டிருந்தபோது, அவ்வழியாக வந்த கார் திடீரென தளவாய் பாண்டியன் மீது மோதி விட்டது.
இதில் படுகாயம் அடைந்த அவரை அருகில் இருந்தவர்கள் மீட்டு ஸ்ரீவில்லிபுத்தூர் அரசு மருத்துவமனைக்கு சிகிச்சை கொண்டு சென்றனர். அங்கு அவரை பரிசோதித்து பார்த்த டாக்டர்கள் அவர் ஏற்கனவே இறந்துவிட்டதாக தெரிவித்துள்ளனர். இச்சம்பவம் குறித்து தளவாய் பாண்டியனின் மகன் விக்னேஷ் என்பவர் கொடுத்த புகாரின் பேரில் வழக்குப்பதிவு செய்த போலீசார் விபத்தை ஏற்படுத்திய காரை ஓட்டி சென்ற கேரள மாநிலத்தில் வசித்து வரும் ரோபி ஜெஸ்டல் என்பவரை கைது செய்து தீவிர விசாரணை மேற்கொண்டு வருகின்றனர்.