கடலூர் அருகே ஆட்டோ கவிழ்ந்து ஏற்பட்ட விபத்தில் பெண் ஒருவர் சம்பவ இடத்திலேயே உயிரிழந்த சம்பவம் சோகத்தை ஏற்படுத்தியுள்ளது.
கூடலூர் பூச்சி தெருவை சேர்ந்த ஆட்டோ டிரைவர் நீதிராஜன் (36). இவர் நேற்று கடலூர் புதிய பஸ் நிலையத்தில் இருந்து கூடலூர் அரசமரம் தெருவை சேர்ந்த நடராஜன் மனைவி புஷ்பம் (50) விஜயராமன்)( 67) அவரது மனைவி லீலாவதி (60) புது பட்டியைச் சேர்ந்த ரேணுகா (19) அவரது சகோதரி சித்ரா)( 21) ஆகியோரை ஏற்றிக்கொண்டு கம்பம் நோக்கி சென்று கொண்டிருந்தார்.
அப்பாச்சி பண்ணை அருகே சென்று கொண்டிருந்தபோது கூடலூர் கம்பம் தேசிய நெடுஞ்சாலையில் திடீரென ஆட்டோ விபத்துக்குள்ளானது. இது சம்பவ இடத்திலேயே ஆட்டோவில் சென்ற புஷ்பவனம் பரிதாபமாக உயிரிழந்தார். ஆட்டோவில் சென்று வந்த ஆட்டோ டிரைவர் நீதிராஜன் உட்பட 5 பேரும் படுகாயமடைந்தனர்.
இது குறித்து தகவலறிந்த கூடலூர் வடக்கு போலீசார் விரைந்து வந்து புஷ்பம் உடலை மீட்டு உடற்கூறு ஆய்வுக்காக கம்பம் அரசு மருத்துவமனைக்கு அனுப்பி வைத்தனர். இதில் படுகாயமடைந்த ரேணுகா கம்பம் அரசு மருத்துவமனைகளிலும் விஜயராமன், லீலாவதி. சித்ரா, நீதிராஜன் ஆகியோர் தேனி அரசு மருத்துவக்கல்லூரி மருத்துவமனையில் சிகிச்சைக்காக அனுமதிக்கப்பட்டுள்ளனர். விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.