பிரபல ஸ்டன்ட் மாஸ்டர் சில்வா விரைவில் இயக்குனராக அவதாரம் எடுக்கவுள்ளார் .
தமிழ் திரையுலகில் ஸ்டண்ட் மாஸ்டர் சில்வா பல முன்னணி கதாநாயகர்களின் படங்களில் பணியாற்றியுள்ளார் . இவர் நடிகர் அஜித்தின் என்னை அறிந்தால், வீரம் ,விவேகம், விஸ்வாசம் போன்ற படங்களில் அதிரடி ஸ்டண்ட் காட்சிகளை அமைத்து ரசிகர்களை கவர்ந்தார் . அதேபோல் நடிகர் விஜய்யின் ஜில்லா, பைரவா, மாஸ்டர் போன்ற பல திரைப்படங்களில் இவர் பணியாற்றியுள்ளார் .
மேலும் இவர் பல திரைப்படங்களில் நடிகராகவும் நடித்து அசத்தியுள்ளார் . இந்நிலையில் ஸ்டன்ட் மாஸ்டர் சில்வா விரைவில் இயக்குனராகஅறிமுகமாக இருப்பதாக தகவல் வெளியாகியுள்ளது . இவர் இயக்கவுள்ள படத்திற்கு இயக்குனர் ஏ.எல்.விஜய் கதை மற்றும் திரைக்கதை அமைக்கவுள்ளதாக கூறப்படுகிறது. விரைவில் இதுகுறித்த அறிவிப்புகள் வெளியாகும் என எதிர்பார்க்கப்படுகிறது .