குறைந்த விலை வீடுகளுக்கான வட்டியில் 1.5 லட்சம் வரை விலக்கு அளிக்க நடவடிக்கை எடுக்கபப்டும் என்று நிர்மலாசீதாராமன் பட்ஜெட் உரையில் தெரிவித்தார்.
இன்று மக்களவையில் மத்திய நிதியமைச்சர் நிர்மலா சீதாராமன் 2019-20ம் ஆண்டுக்கான மத்திய பட்ஜெட்டை தாக்கல் செய்தார்.அப்போது பேசிய அவர்,குறைந்த விலை வீடுகள் ,கடனில் மின்சார வாகனம் வாங்கினால் வட்டியில் கூடுதலாக 1.5 லட்சம் வரை விலக்கு அளிக்கப்படும்.இதன்படி 15 ஆண்டுகள் வீட்டுக்கடனுக்கு ரூபாய் 7 லட்சம் வரை மிச்சமாகும்.
பான் அட்டை இல்லாவிட்டால் ஆதார் எண்ணை அளித்து வருமான வரி தாக்கல் செய்யலாம். மத்திய அரசின் நேரடி வருமான வரி 78 சதவீதம் அதிகரித்துள்ளது.வங்கியில் ஆண்டுக்கு ஒரு கோடிக்கு மேல் ரொக்கமாக எடுத்தால் 2% தொகை பிடித்தம் செய்யப்படும்.400 கோடி வரை வர்த்தகம் செய்யும் கார்ப்ரேட் நிறுவனங்களுக்கு இனி 25 சதவீதம் மட்டுமே வரி வசூலிக்கப்படும்.