ஜம்மு காஷ்மீரின் ஷோபியான் மாவட்டத்தில் பாதுகாப்பு படையினர் மேற்கொண்ட தேடுதல் வேட்டையில் மூன்று பயங்கரவாதிகள் சுட்டுக்கொல்லப்பட்டனர் .
சோபியான் மாவட்டத்தில் படிக்காம் என்ற இடத்தில் பயங்கரவாதிகள் பதுங்கியிருப்பதாக பாதுகாப்பு படைக்கு ரகசிய தகவல் கிடைத்தது. அதன்படி பாதுகாப்பு படையினர் மற்றும் காஷ்மீர் போலீசார் சம்பவ இடத்தில் தேடுதல் வேட்டையில் ஈடுபட்டனர். அப்போது அங்கு மறைந்திருந்த பயங்கரவாதிகள் அவர்கள் மீது தாக்குதல் மேற்கொண்டனர். இதையடுத்து இரு தரப்புக்கும் இடையே நடைபெற்ற துப்பாக்கி சண்டையில் 3 பயங்கரவாதிகளை பாதுகாப்பு படையினர் சுட்டுக்கொன்றனர். மேலும் சம்பவ இடத்தில் இருந்து ஏராளமான ஆயுதங்கள் மற்றும் வெடிபொருட்கள் போலீசார் பறிமுதல் செய்தனர். சுட்டுக் கொல்லப்பட்ட பயங்கரவாதிகள் லஷ்கர்-இ-தொய்பா பயங்கரவாத அமைப்பைச் சேர்ந்தவர்கள் என்றும், இந்த சண்டையில் போலீசார் ஒருவர் வீர மரணம் அடைந்ததாகவும் காஷ்மீர் காவல்துறை தெரிவித்துள்ளது.