மோட்டார் சைக்கிள் மீது கார் மோதிய விபத்தில் விவசாயி உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்தில் உள்ள முடுக்கன்குளம் பகுதியில் சங்கையா என்ற விவசாயி வசித்து வருகிறார். இவர் ஆண்மை பெருக்கி விளக்கு அருகே தனது மோட்டார் சைக்கிளில் சென்று கொண்டிருந்தபோது, திருச்சி மாவட்டத்தில் உள்ள கம்பரசன் கோட்டை பகுதியில் வசித்து வரும் வேல் என்பவர் ஓட்டி வந்த காரானது இவரின் மோட்டார் சைக்கிள் மீது பலமாக மோதி விட்டது.
இதில் தூக்கி வீசப்பட்ட சங்கையா உயிருக்கு போராடி இறந்துவிட்டார். இதுகுறித்து தகவல் அறிந்த போலீசார் சம்பவ இடத்திற்கு விரைந்து சென்று அவரின் உடலை கைப்பற்றி அருப்புக்கோட்டை அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் சம்பவம் குறித்து வழக்கு பதிவு செய்த காரியாபட்டி போலீசார் தீவிர விசாரணை மேற்கொண்டு வருகின்றனர்.