பிரிட்டனில் வாழைப்பழ கிடங்கிற்கு சோதனைக்கு சென்ற காவல்துறையினர் அங்கு மறைத்து வைக்கப்பட்ட போதை பொருட்களை பறிமுதல் செய்துள்ளனர்.
பிரிட்டனில் உள்ள வாழைப்பழ கிடங்கிற்கு காவல்துறையினர் சோதனையிட சென்றுள்ளனர். அங்கிருந்த பார்சல்களுக்குள் 2.3 டன் அளவிற்கு கொக்கைன் என்றும் போதைப் பொருள் மறைத்து வைக்கப்பட்டிருந்ததை காவல்துறையினர் கண்டறிந்து பறிமுதல் செய்துள்ளனர். இந்த போதைப்பொருட்களை மட்டும் காவல்துறையினர் கண்டுபிடிக்காமல் இருந்திருந்தால் பிரிட்டனில் ஏராளமான இளைஞர்கள் இந்த போதைபொருளிற்கு அடிமையாகி இருந்திருப்பார்கள் என்று தெரிய வந்துள்ளது.
பறிமுதல் செய்யப்பட்ட போதை பொருளின் மதிப்பு சுமார் 184 மில்லியன் பவுண்டுகள் என்று தெரிய வந்துள்ளது . இதுதொடர்பாக இரண்டு நபர்கள் கைது செய்யப்பட்டுள்ளனர். மேலும் பார்சல்களை வாழைப்பழ கிடங்கிற்கு கொண்டு வந்த ஐந்து பேரையும் காவல்துறையினர் கைது செய்துள்ளனர். காவல்துறையினர் போதைப்பொருட்களை கிடங்கிலிருந்து பறிமுதல் செய்வது குறித்த வீடியோ ஒன்றும் வெளியாகி உள்ளது.