மோட்டார் சைக்கிளில் வந்த மர்ம நபர்கள் பெண்ணிடம் தங்கச் சங்கிலியைப் பறித்துச் சென்றது பரபரப்பை ஏற்படுத்தியுள்ளது.
மதுரை மாவட்டத்தில் உள்ள திருப்பரங்குன்றம் பகுதியில் மல்லிகா என்பவர் வசித்து வருகிறார். அவர் வேலையாக வீட்டிலிருந்து வெளியே சென்றுள்ளார். அவர் அப்பகுதியில் உள்ள வெற்றி விநாயகர் கோவிலை கடந்து சென்றபோது அந்த வழியாக மோட்டார் சைக்கிளில் ஆசாமி வேடத்தில் இரண்டு மர்ம நபர்கள் வந்துள்ளனர். அவர்கள் யாரும் இல்லாத சூழ்நிலையை பயன்படுத்தி மல்லிகாவின் கழுத்தில் இருந்த 4 பவுன் தங்க சங்கிலியை பிடித்து இழுத்துள்ளனர்.
அப்போது தடுக்க முயன்ற மல்லிகாவை அவர்கள் கீழே தள்ளி விட்டு தப்பி சென்றுள்ளனர். இச்சம்பவம் குறித்து மல்லிகா அருகிலுள்ள திருநகர் காவல் நிலையத்தில் புகார் அளித்துள்ளார். அந்த புகாரின் பேரில் திருநகர் போலீசார் இச்சம்பவம் குறித்து வழக்குப் பதிந்து ஆசாமி வேடத்தில் வந்த 2 மர்ம நபர்களை வலைவீசி தேடி வருகின்றனர்.