மோகன்லால் நடிப்பில் வெளியான ‘திரிஷ்யம் 2’ திரைப்படத்தை பிரபல நடிகை பாராட்டியுள்ளார் .
இயக்குனர் ஜீத்து ஜோசப் இயக்கத்தில் மோகன்லால் – மீனா நடிப்பில் கடந்த 2013 ஆம் ஆண்டு வெளியாகி வெற்றி பெற்ற திரைப்படம் திரிஷ்யம் . இந்த திரைப்படம் தமிழில் கமல்ஹாசன் கவுதமி நடிப்பில் பாபநாசம் என்ற பெயரில் ரீமேக் ஆனது . மேலும் இந்த படம் தெலுங்கு, கன்னடம், இந்தி மொழிகளிலும் வெளியாகி மிகப்பெரிய வரவேற்பை பெற்றது. தற்போது இந்த படத்தின் இரண்டாம் பாகம் கடந்த வெள்ளிக்கிழமை அமேசான் பிரைமில் வெளியானது .
முதல் பாகத்தைப் போலவே இரண்டாவது பாகத்திற்கும் மிகப்பெரிய வரவேற்பு கிடைத்துள்ளது . இந்தப் படத்தைப் பார்த்த நடிகை கீர்த்தி சுரேஷ் உள்ளிட்ட பல பிரபலங்கள் தங்கள் கருத்துக்களை சமூக வலைத்தளங்களில் தெரிவித்து வந்தனர். இந்நிலையில் நடிகை ராதிகா தனது இன்ஸ்டாகிராம் பக்கத்தில் ‘திரிஷ்யம் 2’ திரைப்படத்தைப் பார்த்ததாகவும் ‘சூப்பர் படம் மோகன்லால் நம்முடைய இதயத்தை கவர்ந்து விட்டார் . இந்த படத்தில் அனைவரும் மிகச் சிறப்பாக நடித்துள்ளனர்’ என்றும் பதிவிட்டுள்ளார் .