கண்ணிமைக்கும் நேரத்தில் நடந்த விபரீதம்…. விவசாயிக்கு நேர்ந்த சோகம்… கண்ணீர் வடிக்கும் குடும்பத்தினர்…!!

மோட்டார் சைக்கிள் மீது லாரி மோதிய விபத்தில் விவசாயி உயிரிழந்த சம்பவம் சோகத்தை ஏற்படுத்தியுள்ளது.

நாமக்கல் மாவட்டத்தில் உள்ள பிராந்தகம் பெரியபாளையம் பட்டியில் நாகராஜ் என்ற விவசாயி வசித்து வருகிறார். இவர் மேட்டுகடைக்கு தனது மோட்டார் சைக்கிளில் சென்று கொண்டிருந்தபோது, திடீரென எதிரே வேகமாக வந்த லாரி கட்டுப்பாட்டை இழந்து இவரின் மோட்டார்சைக்கிள் மீது பலமாக மோதி விட்டது. இந்த விபத்தில் தூக்கி வீசப்பட்ட நாகராஜ் சம்பவ இடத்திலேயே பரிதாபமாக உயிரிழந்து விட்டார்.

இதனை பார்த்த அருகில் இருந்தவர்கள் உடனடியாக நல்லூர் காவல் நிலையத்திற்கு தகவல் தெரிவித்து விட்டனர். இதனையடுத்து சம்பவ இடத்திற்கு விரைந்து வந்த போலீசார் நாகராஜனின் உடலை கைப்பற்றி திருச்செங்கோடு அரசு மருத்துவமனைக்கு பிரேத பரிசோதனைக்காக கொண்டு சென்றனர். அதன்பின் நல்லூர் காவல் நிலையத்தில் அவரது மனைவி பார்வதி புகார் அளித்தார். அந்தப் புகாரின் பேரில் வழக்குப்பதிவு செய்த நல்லூர் போலீசார் தீவிர விசாரணை மேற்கொண்டு வருகின்றனர்.