அடையாளம் தெரியாத நபர் ரயிலில் அடிபட்டு இறந்து கிடந்த சம்பவம் அப்பகுதியில் பரபரப்பை ஏற்படுத்தியுள்ளது.
மதுரை மாவட்டத்திலுள்ள சமயநல்லூர் ரயில் நிலையத்திற்குப் பக்கத்தில் மதுரை செல்லும் ரயில் பாதையில் வாலிபர் ரயிலில் அடிபட்டு இறந்து கிடந்துள்ளார். இதுகுறித்து தகவல் அறிந்த மதுரை ரயில்வே போலீஸ் இன்ஸ்பெக்டர் குருசாமி சப் இன்ஸ்பெக்டர் ராமகிருஷ்ணன் ஆகியோரது தலைமையிலான காவல்துறையினர் சம்பவ இடத்திற்கு விரைந்து சென்றுள்ளனர்.
பின்னர் அங்கிருந்து வாலிபரின் உடலை மீட்டு உடற்கூறு ஆய்வுக்காக அரசு மருத்துவமனைக்கு கொண்டு சென்றுள்ளனர். மேலும் இறந்து கிடந்தவர் யார் ? எந்த ஊரைச் சேர்ந்தவர் ? என்பது குறித்து காவல்துறையினர் விசாரணை நடத்தி வருகின்றனர்.