வீட்டின் கதவை உடைத்து தங்கம், வெள்ளி மற்றும் பணத்தை மர்ம நபர்கள் கொள்ளையடித்து சென்ற சம்பவம் பரபரப்பை ஏற்படுத்தி உள்ளது.
திருச்சி மாவட்டத்தில் உள்ள பனந்தோப்பு பகுதியில் வாசுதேவன் என்பவர் வசித்து வருகிறார். இவர் தொலை தொடர்பு அலுவலகத்தில் மேற்பார்வையாளராக வேலை பார்த்து வந்துள்ளார். இவர் முசிறியில் உள்ள தனது உறவினர் வீட்டு நிகழ்ச்சிக்கு செல்வதற்காக தனது வீட்டை பூட்டி விட்டு சென்றுள்ளார். அதன் பிறகு மீண்டும் தனது வீட்டிற்கு வந்து பார்த்தபோது வீட்டின் கதவு உடைக்கப்பட்டு இருந்ததை கண்டு அதிர்ச்சி அடைந்தார்.
இதனையடுத்து வீட்டிற்குள் சென்று பார்த்த போது பீரோவில் வைக்கப்பட்டிருந்த 17 பவுன் தங்க நகைகள், தங்க காசுகள், வெள்ளிப் பொருட்கள் மற்றும் 1 லட்சத்து 10 ஆயிரம் ரூபாய் ரொக்கம் போன்றவற்றை மர்ம நபர்கள் திருடி விட்டுச் சென்றது தெரியவந்துள்ளது. இதுகுறித்து வாசுதேவன் உடனடியாக முசிறி காவல்நிலையத்திற்கு தகவல் தெரிவித்து விட்டார். இதனையடுத்து சம்பவ இடத்திற்கு விரைந்து வந்த போலீசார் மற்றும் கைரேகை நிபுணர்கள் தடயங்களை சேகரித்தனர். மேலும் இச்சம்பவம் குறித்து வழக்கு பதிவு செய்த போலீசார் வீட்டில் கொள்ளையடித்த மர்ம நபர்களை வலைவீசி தேடி வருகின்றனர்.