விவசாய நிலத்தில் உள்ள மின்வேலி தாக்கியதில் தந்தை மகன் இருவரும் பலியான சம்பவம் சோகத்தை ஏற்படுத்தியுள்ளது.
ராணிப்பேட்டை மாவட்டத்தில் உள்ள ராமலிங்கபுரத்தைச் சேர்ந்த விவசாயி பாக்கியராஜ். இவருடைய மகன் அருண்குமார் அப்பகுதியில் உள்ள பள்ளியில் ஒன்பதாம் வகுப்பு படித்துக் வந்தார். இவர்களுக்கு கஞ்சாம்பட்டி கிராமத்தில் விவசாய நிலம் உள்ளது. இந்த நிலத்தின் அருகே இவருக்கு உறவினரான செல்வம் என்பவருடைய விவசாய நிலம் உள்ளது. செல்வத்தின் நிலத்தில் காட்டு பன்றி மற்றும் எலிகளின் தொல்லை அதிகமாக இருப்பதால் மின்வெளி அமைத்திருந்தார்.
இந்நிலையில் இன்று காலையில் பாக்யராஜ் மற்றும் அருண்குமார் தனது விவசாய நிலத்தில் அருகில் உள்ள கண்மாயில் மீன் பிடிப்பதற்காக சென்றுள்ளனர். அங்கு செல்வதற்கு செல்வத்தின் வயலை தாண்டியே செல்ல வேண்டும். அப்படி செல்லும்போது மின்வேலி தாக்கி இருவரும் பரிதாபமாக உயிரிழந்துள்ளனர். இது சம்பவம் குறித்து தகவல் அறிந்ததும் அரக்கோணம் காவல்துறையினர் சம்பவ இடத்திற்கு விரைந்து சென்று இருவரின் உடலையும் மீட்டு உடற்கூறு ஆய்விற்காக அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து அவர்கள் காவல்துறையினர் தீவிர விசாரணை நடத்தி வருகின்றனர்.