ஈரோடு ரெயில் நிலையத்துக்கு தந்தை பெரியாரின் பெயரை வைக்க வேண்டுமென்று மக்களவையில் திமுக MP கனிமொழி கோரிக்கை விடுத்துள்ளார்.
மக்களவை கூட்டத்தொடர் நடைபெற்று வருகின்றது. இதில் இன்று நடந்த கூட்டத்தில் உரையாற்றிய தூத்துக்குடி மக்களவை தொகுதி திமுக M.P கனிமொழி , மத்திய அரசின் எல்லா திட்டங்களும் , எல்லாம் மாநில மக்களும் சுலபமாக புரியும் படி பெயர் வைக்க வேண்டும் என்று கோரிக்கை விடுத்தார். மேலும் , தெற்கு ரெயில்வே திட்டங்களுக்கு ஒதுக்கப்பட்ட நிதியின் அளவு குறைவு என்று குற்றம் சாட்டினார்.
தொடர்ந்து பேசிய அவர் , பொன் வைக்கும் இடத்தில் பூ வைப்பது போல, மத்திய அரசு செயல்படுவதாக தமிழ் பழமொழியை சுட்டிக்காட்டி பேசி அசத்திய கனிமொழி , ஈரோடு ரெயில் நிலையத்துக்கு தந்தை பெரியாரின் பெயரை வைக்க வேண்டும் என்ற கோரிக்கை வைத்ததோடு ரெயில்வே திட்டங்களுக்கு இந்தியில் பெயர் வைப்பது தமிழகம் போன்ற மாநிலங்களில் வாழும் மக்களுக்கு சிரமத்தை ஏற்படுத்துவதாக தெரிவித்தார்.