அணையும் நேரத்தில் எரியும் விளக்கு போல முதல்வர் பழனிசாமி திட்டங்களை அறிவிப்பதாக ஸ்டாலின் விமர்சித்துள்ளார்.
தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெறும் என்று இன்று அறிவிக்கப்பட்டது. அதனால் கடந்த இரண்டு மாதங்களாக அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருகின்றன. ஒவ்வொரு கட்சியினரும் தங்கள் எதிர்கட்சியினரை கடுமையாக விமர்சித்த தேர்தல் பிரசாரம் செய்து வருவதால், தேர்தல் களம் சூடு பிடிக்க தொடங்கியுள்ளது.
இதற்கு மத்தியில் கூட்டணி குறித்த குழப்பம் நிலவி வருகிறது. அதுமட்டுமன்றி தங்கள் ஆட்சி தமிழகத்தில் அமைந்தால் மக்களுக்கு பல்வேறு நலத்திட்டங்களை செய்து தருவதாக வாக்குறுதி அளிக்கப்பட்டு வருகின்றன. அதன்படி கடந்த சில நாட்களாக அதிமுக தமிழகத்தில் மக்களுக்கு பல்வேறு நலத்திட்டங்களை தொடர்ந்து செய்து வருகிறது.
இந்நிலையில் மறையும் நேரத்தில் எரியும் விளக்கு போல முதல்வர் எடப்பாடி பழனிசாமி திட்டங்களை அறிவித்து வருகிறார் என திமுக தலைவர் ஸ்டாலின் விமர்சனம் செய்துள்ளார். மேலும் சான் கொளத்தூர் தொகுதியில் போட்டியிட்டு வெற்றி பெற்றிருந்தாலும் தமிழகத்தில் உள்ள 234 தொகுதிகளும் என்னுடைய தொகுதிதான் என அவர் கூறியுள்ளார்.