சட்டவிரோதமாக கஞ்சா விற்பனை செய்தவரை போலீசார் கைது செய்து, அவரிடம் இருந்த 1 கிலோ கஞ்சாவை பறிமுதல் செய்து விட்டனர்.
ஈரோடு மாவட்டத்தில் உள்ள கடம்பூர் போலீசாருக்கு அப்பகுதியில் உள்ள அணைக்கரை பகுதியில் கஞ்சா விற்பனை செய்யப்படுவதாக ரகசிய தகவல் கிடைத்துள்ளது. அந்த தகவலின் படி சம்பவ இடத்திற்கு விரைந்து சென்ற போலீசார் தீவிர ரோந்து பணியில் ஈடுபட்டுள்ளனர். அப்போது அங்குள்ள பேருந்து நிறுத்தம் அருகில் சந்தேகப்படும்படியாக நின்று கொண்டிருந்த ஒருவரை போலீசார் பிடித்து விசாரணை நடத்தி உள்ளனர்.
அந்த விசாரணையில் அவர் கிணத்துதொட்டி பகுதியில் வசித்து வரும் மாதப்பன் என்பது போலீசாருக்கு தெரியவந்துள்ளது. மேலும் அவர் ஒரு கிலோ கஞ்சாவை பொட்டலமாக கட்டி விற்பனை செய்ய வந்ததும் போலீசார் கண்டுபிடித்தனர். இதனை அடுத்து இது குறித்து வழக்குப்பதிவு செய்த போலீசார் அவரை கைது செய்து அவரிடம் இருந்த கஞ்சாவை பறிமுதல் செய்து விசாரணை நடத்தி வருகின்றனர்.