தளபதி 65 படத்தின் படப்பிடிப்பு ரஷ்யாவில் தொடங்க உள்ளதாக அறிவிப்பு வெளியாகி உள்ளது.
சன் பிக்சர்ஸ் நிறுவனம் தயாரித்திருக்கும் இப்படத்தை இயக்குனர் நெல்சன் இயக்குகிறார். இயக்குனர் நெல்சன் கோலமாவு கோகிலா, டாக்டர் ஆகிய படங்களை இயக்கியுள்ளார். இந்த படத்தில் இசையமைப்பாளராக அனிருத் ஒப்பந்தமாகியுள்ளார். மற்ற நடிகர் நடிகைகள் பற்றிய விவரம் வெளியாகவில்லை. இந்நிலையில் இந்த படத்தின் ஒளிப்பதிவாளராக மனோஜ் ஒப்பந்தமாகியுள்ளார்.
ஏற்கனவே விஜய்யின் நண்பன் படத்துக்கு இவரே ஒளிப்பதிவாளராக பணியாற்றி இருந்தார். தளபதி 65 படப்பிடிப்பு ரஷ்யாவில் ஏப்ரல் மாதம் முதல் வாரத்தில் தொடங்கும் என்றும், தேர்தல் வாக்களிப்பு நாளுக்குப் பின்பு நடக்கும் என சொல்லப்படுகிறது. இந்த படம் ஒரு அரசியல் படமாக உருவாக உள்ளதாக சுற்று வட்டாரங்கள் தெரிவிக்கின்றன.