கோவையில் கட்சி தலைவர்களுக்கு சகல வசதிகளுடன் கூடிய பிரச்சாரம் செய்யும் வாகனம் தயாரிக்கும் பணி தீவிரமாக நடைபெற்று வருகின்றது.
தமிழகத்தில் வரும் 6ஆம் தேதி தேர்தல் நடைபெற உள்ளது. இதனை தொடர்ந்து பல்வேறு அரசியல் கட்சிகள் தங்களது பிரச்சாரங்களில் தீவிரமாக ஈடுபட்டுள்ளனர். இதனால் தேர்தல் களம் சூடுபிடித்துள்ளது. இதனை தொடர்ந்து அரசியல் கட்சி தலைவர்கள் பிரச்சாரம் செய்ய சகல வசதிகளுடனும் கூடிய வாகனங்களை கோவையில் உள்ள ஒரு நிறுவனம் ஆர்டரின் பேரில் தயார் செய்து வருகின்றது.
இந்த வாகனத்தில் சுழலும் இருக்கைகள், மெத்தை, குளிர்சாதனப்பெட்டி, ஏசி, எல்.இ.டி.டிவி, வைபைவசதி, குளியலறை, வெஸ்டர்ன் கழிவறை அமைக்கப்பட்டுள்ளது. மேலும் இந்த வாகனத்தை சுற்றி 10 ஸ்பீக்கர்களும், 10 எல்.இ.டி.லைட்களும் அமைக்கப்பட்டுள்ளன. இதனால் பிரச்சார வாகனம் தயாரிக்க தமிழ்நாடு மட்டும் அல்லாமல் தற்போது கர்நாடகா, ஆந்திரா, மும்பை போன்ற மாநிலங்களில் இருந்தும் ஆர்டர்கள் வந்துள்ளதாக அந்நிறுவனத்தின் தலைவர் தகவல் தெரிவித்துள்ளார்.