நாகையில் குடிபோதையில் இருந்த முதியவர் மரத்தில் தூக்கிட்டு தற்கொலை செய்து கொண்ட சம்பவம் பரபரப்பை ஏற்படுத்தியுள்ளது.
நாகப்பட்டினம் மாவட்டத்தில் உள்ள திட்டச்சேரி பகுதியில் ஆசைத்தம்பி என்பவர் வசித்து வந்தார். இவருக்கு மது அருந்தும் பழக்கம் இருந்துள்ளது. இவர் மது அருந்திவிட்டு வீட்டில் தகராறு செய்வதை வழக்கமாக வைத்து வந்துள்ளார். இந்நிலையில் சம்பவத்தன்று ஆசைத்தம்பி நன்கு குடித்து விட்டு வீட்டிற்கு வந்துள்ளார். அப்போது போதை தலைக்கேறிய நிலையில் ஆசைதம்பி வீட்டிற்கு அருகிலுள்ள மரம் ஒன்றில் தூக்கிட்டு தற்கொலை செய்து கொண்டுள்ளார்.
அதனை கண்ட அக்கம் பக்கத்தினர் திருக்கண்ணபுரம் காவல் நிலையத்திற்கு இந்த சம்பவம் குறித்து தகவல் அளித்தனர். அந்த தகவலின் பேரில் சம்பவ இடத்திற்கு விரைந்து வந்த திருக்கண்ணபுரம் காவல்துறையினர் ஆசைதம்பியின் உடலை மீட்டு பிரேத பரிசோதனைக்காக நாகப்பட்டினம் அரசு மருத்துவமனைக்கு அனுப்பி வைத்தனர். மேலும் இந்த தற்கொலை குறித்து காவல்துறையினர் வழக்குப்பதிந்து விசாரணை நடத்தி வருகின்றனர்.