டிப்பர் லாரியில் மணல் கடத்திய இரண்டு பேரை காவல்துறையினர் கைது செய்துள்ளனர்.
புதுக்கோட்டை மாவட்டத்திலுள்ள கந்தர்வக்கோட்டை காவல்துறையினர் அப்பகுதியில் ரோந்து பணியில் ஈடுபட்டுக் கொண்டிருந்தனர். அந்த சமயத்தில் அங்கு வந்த டிப்பர் லாரி ஒன்றை அவர்கள் வழிமறித்து நிறுத்தியுள்ளனர். அதன்பின் அதில் சோதனை செய்தபோது அதில் மணல் கடத்தி வந்தது தெரியவந்துள்ளது.
இதனையடுத்து காவல்துறையினர் லாரி உரிமையாளரான சதீஷ் மற்றும் டிரைவர் மலைராஜ் ஆகிய இரண்டு பேரையும் கைது செய்து மணலையும் கடத்தலுக்கு பயன்படுத்தப்பட்ட லாரியையும் பறிமுதல் செய்துள்ளனர். மேலும் இதுகுறித்து அவர்கள் தீவிர விசாரணை நடத்தி வருகின்றனர்.