நாடு முழுவதும் பெட்ரோல் மற்றும் டீசல் விலை உயர்வால் வாகன ஓட்டிகள் பெரும் அவதிக்குள்ளாகியுள்ளனர். மேலும் ஒரு சில நகரங்களில் பெட்ரோல் விலை 100ஐ தொட்டது. பெட்ரோல் டீசல் விலை உயர்வை கண்டித்து பல்வேறு அரசியல் தலைவர்களும் கண்டனம் தெரிவித்து வருகின்றனர். மேலும் பலரும் பெட்ரோல் டீசல் விலை உயர்வை குறைக்குமாறு மத்திய அரசை வலியுறுத்தி வருகின்றனர். பெட்ரோல் டீசல் விலை உயர்வை கண்டித்து பல்வேறு விதமான மீம்ஸ்கள் இணையத்தில் உலாவுகின்றன.
மேலும் பெட்ரோலை பரிசாக கொடுப்பதும் போன்ற பல்வேறு சுவாரஸ்யமான நிகழ்வுகள் நடந்து கொண்டிருக்கின்றன. இந்நிலையில் ஹரியானா மாநிலத்தில் புதிய வசதி ஒன்று கண்டுபிடிக்கப்பட்டுள்ளது. அதாவது ஹீரோ ஹோண்டா பைக் ஒன்றில் பேட்டரியை பொருத்தி அதன் மூலமாக பயணம் செய்யும் வசதியை அறிமுகப்படுத்தி உள்ளனர். இந்த பேட்டரியால் இயங்கும் புது மாடல் பைக் மக்களிடையே பெரும் வரவேற்பு கிடைத்துள்ளது.