“மாஸ்டர்” படத்தில் நடித்த மாளவிகா மோகனன் இந்த படம் எனக்கு நிறையவே கொடுத்திருக்கிறது என்று தனது வலைதள பக்கத்தில் பதிவிட்டுள்ளார்.
லோகேஷ் கனகராஜ் இயக்கத்தில் விஜய் நடித்த “மாஸ்டர்” திரைப்படம் 50 நாட்களை கடந்து திரையரங்குகளில் வெற்றிகரமாக ஓடிக்கொண்டிருக்கிறது. இந்நிலையில் மாஸ்டர் படத்தில் கதாநாயகியாக நடித்த மாளவிகா மோகனன் தனது வலைதள பக்கத்தில் “இந்த படம் எனக்கு நிறையவே கொடுத்திருக்கிறது” என்று பதிவிட்டுள்ளார்.
அதில் அவர் குறிப்பிட்டுள்ளதாவது,”மாஸ்டர் படம் 50 நாட்களை கடந்து வெற்றிகரமாக ஓடிக் கொண்டிருக்கிறது. இந்நிலையில் இந்த படம் எனக்கு நிறையவே கொடுத்திருக்கிறது. மேலும் இந்த படத்தின் மூலம் எனக்கு மிகச் சிறந்த வாழ்நாள் கால நண்பர்கள் கிடைத்துள்ளனர். அதுமட்டுமின்றி என் வாழ்நாள் முழுவதும் நான் மறக்க முடியாத நிறைய நினைவுகளை தந்துள்ளது என்று பதிவிட்டுள்ளார்.