விண்வெளியில் கட்டப்பட்டு வரும் 400 அறைகள் கொண்டு நவீன ஹோட்டலில் தங்குவதற்கு மூன்றரை நாட்களுக்கு 36 கோடி ரூபாய் கட்டணம் நிர்ணயிக்கப்பட்டுள்ளது.
அமெரிக்காவின் ஆர்பிட்டல் அசெம்பிளி கார்ப்பரேஷன் நிறுவனத்தின் சார்பில் விண்வெளியில் கட்டப்பட்டு வரும்வோயேஜர் ஸ்டேஷனின்(Voyager Space) ஹோட்டல் கட்டுமானப் பணிகள் வரும் 2025ஆம் ஆண்டில் முடிவுக்கு வரும் என்று எதிர்பார்க்கப்படுகிறது.
இந்த ஹோட்டலில் தங்கும் அறைகள், சினிமா திரையரங்கு, மது கூடம், மசாஜ் கிளப் என ஏராளமான பணிகள் நடந்து வருகின்றன. ஒரே நேரத்தில் 400பேர் வரை தங்கும் வசதி கொண்ட இந்த ஹோட்டலுக்கு 2027ஆம் ஆண்டு முதல் தான் மனிதர்கள் செல்ல முடியும் என்று ஆர்பிட்டல் நிறுவனம் கூறியிருக்கிறது.
இந்த இருபத்து நான்கு ஒருங்கிணைந்த வாழ்விடங்கள் ஒவ்வொன்றும் இருபது மீட்டர் நீளமும், 12 மீட்டர் அகலமும் கொண்டதாக இருக்கும். செயற்கை ஈர்ப்பை உருவாக்கும் விதமாக பெரிய வட்டமாக சூழலும் விண்வெளி ஹோட்டல், சந்திரனின் மேற்பரப்பில் காணப்படும் ஈர்ப்பு விசைக்கு சமமாக அமைக்கப்படும் என்றும் தெரிவிக்கப்பட்டுள்ளது. இங்கு செல்வதற்கான 3 1/2 நாட்கள் பயணத்திற்கு 36கோடி ரூபாய் கட்டணம் நிர்ணயிக்கப்பட்டுள்ளது.
