பிரபல தயாரிப்பாளர் புதுமணத் தம்பதிகளுக்கு ஒரு விலை உயர்ந்த காரை பரிசாக வழங்கியுள்ளார்.
கடந்த வருடம் அறிமுக இயக்குனர் தேசிங்கு பெரியசாமி இயக்கத்தில் துல்கர் சல்மான் நடிப்பில் வெளியான படம் “கண்ணும் கண்ணும் கொள்ளையடித்தால்”. இத்திரைப்படத்தில் ஹீரோயினுக்கு தோழியாக நிரஞ்சனி என்பவர் நடித்திருந்தார். தேசிய விருது பெற்ற இயக்குனர் அகத்தியனின் மகள் தான் நிரஞ்சனி. இந்நிலையில் கடந்த வாரம் நிரஞ்சனிக்கும், இயக்குனர் தேசிங்கு பெரியசாமிக்கும் திருமணம் நடந்தது.
இவர்களது திருமணத்திற்கு பல பிரபலங்கள் தங்களது வாழ்த்துக்களை தெரிவித்து வருகின்றனர். இந்நிலையில் “கண்ணும் கண்ணும் கொள்ளையடித்தால்” படத்தின் தயாரிப்பாளரான ஆன்டோ ஜோசப் புதுமணத் தம்பதிகளுக்கு ஒரு விலை உயர்ந்த காரை பரிசாக வழங்கியுள்ளார். அப்போது எடுக்கப்பட்ட புகைப்படம் தற்போது சமூக வலைதளங்களில் வைரலாக பரவி வருகிறது.
