நடிகை நிரஞ்சனி திருமணத்தில் தனது சகோதரிகளுடன் எடுத்துக் கொண்ட புகைப்படத்தை தனது சமூக வலைதளப் பக்கத்தில் வெளியிட்டுள்ளார் .
தமிழ் திரையுலகில் இயக்குனர் தேசிங்கு பெரியசாமி இயக்கத்தில் வெளியான ‘கண்ணும் கண்ணும் கொள்ளையடித்தால்’ படத்தின் மூலம் நடிகையாக அறிமுகமானவர் நிரஞ்சனி. சமீபத்தில் நடிகை நிரஞ்சனிக்கும் இயக்குனர் தேசிங்கு பெரியசாமிக்கும் கோலாகலமாக திருமணம் நடைபெற்றது . இவர்கள் திருமணத்தில் பிரபலங்கள் பலர் நேரில் வந்து வாழ்த்து தெரிவித்திருந்தனர். மேலும் கண்ணும் கண்ணும் கொள்ளையடித்தால் பட தயாரிப்பாளர் இந்த தம்பதிக்கு புதிய காரை பரிசாக அளித்து அனைவரையும் ஆச்சரியப்படுத்தினார் என்பது குறிப்பிடத்தக்கது .
இந்நிலையில் திருமணத்தில் தனது சகோதரிகளுடன் எடுத்துக் கொண்ட புகைப்படத்தை நடிகை நிரஞ்சனி தனது சமூக வலைதளப் பக்கத்தில் வெளியிட்டுள்ளார் . அந்த புகைப்படத்தில் நிரஞ்சனியின் மூத்த அக்காவும் குக் வித் கோமாளி பிரபலமுமான கனி மற்றும் அவரது இரண்டாவது அக்காவும் நடிகையுமான விஜயலட்சுமி ஆகியோர் உள்ளனர் . தற்போது இந்த சூப்பரான புகைப்படம் இணையத்தை கலக்கி வருகிறது .