தமிழக சட்டப்பேரவை தேர்தலுக்கு இன்னும் 3வாரங்களே உள்ள நிலையில் கடந்த 2016சட்டமன்ற தேர்தலில் அரசியல் கட்சிகள் பெற்ற வாக்குகள் விவரம் குறித்தான செய்தி தொகுப்பை காண்போம்.
தமிழகம் சட்டப்பேரவை தேர்தலில் 132 இடங்களை பெற்று வெற்றி பெற்ற அதிமுக பதிவான மொத்த வாக்குகளில் சுமார் 40.8% வாக்குகளை பெற்றுது. இரண்டாம் இடம் பிடித்த திமுக 31.5% வாக்குகளையும், அதன் கூட்டணி கட்சியான இந்திய தேசிய காங்கிரஸ் 6.5% வாக்குகளையும் பெற்றன. அடுத்த இடம் பிடித்திருக்கும் பாட்டாளி மக்கள் கட்சி 5.3% வாக்குகளையும், பாரதிய ஜனதா கட்சி 2.9% வாக்குகளையும், தேசிய முற்போக்கு திராவிட கழகம் 2.4% வாக்குகளையும், நாம் தமிழர் கட்சி 1.1% வாக்குகளையும் பெற்றன.
மதிமுக 0.9% வாக்குகளையும், இந்திய கம்யூனிஸ்ட் 0.8% வாக்குகளையும், விடுதலை சிறுத்தைகள் கட்சி 0.8% வாக்குகளையும், மார்க்சிஸ்ட் கம்யூனிஸ்ட் மற்றும் இந்திய யூனியன் முஸ்லிம் லீக் தலா 0.7% வாக்குகளையும் பெற்றுள்ளன. நோட்டாவிற்கு 1.3% வாக்குகள் கிடைத்திருக்க சுயட்சை உள்ளிட்ட மற்ற கட்சிகள் மீதமுள்ள 4.5% வாக்குகளைப் பகிர்ந்து கொண்டிருப்பதாக இந்திய தேர்தல் ஆணையம் தெரிவித்துள்ளது.