குக் வித் கோமாளி பிரபலம் சிவாங்கி அவரது பள்ளி தோழிகளுடன் எடுத்துக்கொண்ட புகைப்படம் வெளியாகியுள்ளது.
பிரபல தொலைக்காட்சியில் ஒளிபரப்பாகி வரும் குக் வித் கோமாளி நிகழ்ச்சிக்கு ரசிகர்கள் ஏராளம். தற்போது இந்த நிகழ்ச்சியின் 2வது சீசன் மிக கலகலப்பாக நடைபெற்று வருகிறது. இந்த சீசனில் நடிகை சகிலா, பாபா பாஸ்கர் மாஸ்டர், அஸ்வின், கனி ,பவித்ரா உள்ளிட்ட பலர் போட்டியாளர்களாக கலந்து கொண்டுள்ளனர். இந்த நிகழ்ச்சியில் கோமாளிகளை வைத்துக் கொண்டு போட்டியாளர்கள் சமையல் செய்ய போராடும் காட்சிகள் ரசிகர்களை வயிறு குலுங்க சிரிக்க வைக்கிறது.
அதிலும் குறிப்பாக கோமாளியாக கலக்கி வரும் சிவாங்கியும், புகழும் செய்யும் ரகளைகளுக்கு ரசிகர்கள் ஏராளம். இந்த நிகழ்ச்சி மூலம் பிரபலமடைந்த சிவாங்கி தற்போது நடிகர் சிவகார்த்திகேயனின் ‘டான்’ படத்தில் முக்கிய கதாபாத்திரத்தில் நடித்து வருகிறார். இந்நிலையில் தனது பள்ளி தோழிகளுடன் சிவாங்கி எடுத்துக்கொண்ட புகைப்படம் ஒன்று வெளியாகி இணையத்தில் வைரலாகி வருகிறது.