சிவகங்கை காளையார்கோவிலில் நாளை மகா சிவராத்திரியை முன்னிட்டு கோவிலில் தூய்மை பணி மேற்கொள்ளப்பட்டுள்ளது.
சிவகங்கை மாவட்டம் காளையார் கோவிலில் உள்ள சொர்ணகாளீஸ்வரர் கோவில் மகாசிவராத்திரி விழா நாளை நடைபெறவிருக்கிறது. இதனால் நாளை மாலை 6 மணி முதல் சோமேஸ்வரர்-சௌந்தர நாயகி அம்மாள், சொர்ணகாளீஸ்வரர்-சொர்ணவல்லி அம்பாள், சுந்தரேஸ்வரர்-மீனாட்சி அம்மாள் ஆகிய 3 கோவில்களிலும் சிறப்பு பூஜைகள் 4 கால பூஜையாக நடைபெற உள்ளது. இரவு முழுவதும் விடிய விடிய உறங்காமல் விழித்திருந்து பக்தர்கள் சிவ மந்திரத்தை உச்சரித்து மகா சிவராத்திரியில் கலந்துகொள்வர்.
மகா சிவராத்திரி திருவிழாவில் அப்பகுதியை சுற்றியுள்ள ஏராளமான பக்தர்கள் கலந்து கொள்வர். இரவு முழுவதும் சிறப்பு பூஜைகள் நடைபெறும். இந்த மகா சிவராத்திரி விழாவை முன்னிட்டு கோவில் வளாக சுவர்களின் மீது உள்ள தேவையற்ற செடிகள் மற்றும் கொடிகளை சேலம் அருணை உழவார திருக்கூட்டம் அமைப்பின் சார்பில் தூய்மைப்படுத்தும் பணி நடைபெற்றுள்ளது.