காவல் துறையினர் மேற்கொண்ட ரோந்து பணியில் தொடர் கொள்ளையில் ஈடுபட்ட நபர் கைது செய்யப்பட்டுள்ளார்.
இந்த நவீன காலத்தில் பல பகுதிகளில் சில நபர்களால் கொலை கொள்ளை முயற்சிகள் படம் பாணியில் நடந்து கொண்டு இருக்கிறது. இதனால் பொதுமக்கள் பெரும் பாதிப்பிற்கு உள்ளாக்கப்படுகிறார்கள். இதுபோன்ற செயல்களை தடுத்து மக்களின் பாதுகாப்பை உறுதிப்படுத்த காவல்துறையினர் ஆங்காங்கே ரோந்து பணியில் ஈடுபடுவது வழக்கம். அதேபோல் மதுரை மாவட்டம் அவனியாபுரத்தில் சப் இன்ஸ்பெக்டர் ஜெயபாண்டியன் தலைமையில் காவலர்கள் ரோந்து பணியில் ஈடுபட்டுக் கொண்டிருந்தனர்.
அப்போது அதே பகுதியை சேர்ந்த சபரிநாதன் என்பவர் சந்தேகத்திற்கிடமாக சுற்றித்திரிந்துள்ளார். இதனால் அவரை பிடித்து காவலர்கள் விசாரணை செய்தனர்.இதில் சபரிநாதன் அதே பகுதியில் பல கொள்ளை முயற்சியில் ஈடுபட்டு வந்தது கண்டுபிடிக்கப்பட்டுள்ளது. மேலும் அவர் மீது கொலை முயற்சி வழக்கு பதிவாகியுள்ளது தெரியவந்தது. இவரிடமிருந்து ரூபாய் 20 ஆயிரத்தை கைப்பற்றி காவல்துறையினர் கைது செய்து சிறையில் அடைத்தனர் .
