கூலித்தொழிலாளியின் குடிசை வீடு தீயில் எரிந்து நாசமாகியுள்ளது.
புதுக்கோட்டை மாவட்டத்தில் உள்ள கொத்தமங்கலம் கிராமத்தில் குபேந்திரன் என்ற கூலித் தொழிலாளி தனது குடும்பத்துடன் வசித்து வருகிறார். இந்நிலையில் நேற்று முன்தினம் அவருடைய குடிசை வீடு திடீரென தீப்பற்றி எரியத் தொடங்கியுள்ளது. இதனை கண்ட அக்கம் பக்கத்தினர் தீயை அணைக்க முயற்சி செய்துள்ளனர். ஆனால் நீண்ட நேர போராட்டத்திற்குப் பின்பு தீ கட்டுக்குள் கொண்டுவரப்பட்டுள்ளது.
இந்த தீ விபத்தில் வீட்டில் உள்ள பொருட்கள், பணம், துணிகள், ஆதார் அட்டை, குடும்ப அட்டை, சொத்து ஆவணங்கள் உள்ளிட்டவைகள் எரிந்து நாசமாகியுள்ளது. இதுகுறித்து தகவல் அறிந்ததும் கிராம நிர்வாக அலுவலர் ராமச்சந்திரன் தீயில் எரிந்து நாசமான தொழிலாளியின் வீட்டை நேரில் சென்று பார்வையிட்டுள்ளார். இந்த தீ விபத்து ஏற்பட்டதற்கான காரணம் மின் கசிவினால் இருக்கலாம் என காவல்துறை சார்பில் கூறப்படுகிறது. மேலும் இதுகுறித்து காவல்துறையினர் விசாரணை நடத்தி வருகின்றனர்.