சட்டமன்ற தேர்தலை முன்னிட்டு சிவகங்கை கல்லல் பகுதியில் வாக்குச்சாவடி அலுவலர்கள் தீவிர கணக்கெடுப்பு பணியில் ஈடுபட்டுள்ளனர்.
சட்டமன்றத் தேர்தல் நெருங்கிக் கொண்டிருப்பதால் வாக்குச்சாவடி அளவிலான அலுவலர்கள் கணக்கெடுப்பு பணியில் ஈடுபட்டுள்ளனர். இந்த கணக்கெடுப்பு பூத்திலும், வாக்குச்சாவடியிலும் உள்ள இறந்த வாக்காளர்களின் விவரங்கள், 80 வயதிற்கு மேற்பட்ட வாக்காளர்களையும் வீடு வீடாக சென்று அலுவலர்கள் ஆய்வு செய்து வருகின்றனர். 80 வயதிற்கு மேற்பட்டோர் தபால் மூலமும் வாக்கு பதிவு செய்யலாம் என்று கூறப்பட்டிருந்தது.
இந்த நிலையில் வாக்குசாவடி அலுவலர்கள் அவர்களை கண்டறிய வீடு வீடாக சென்று தபால் ஓட்டுக்கு பதிவு செய்ய கையெழுத்து பெற்று வருகின்றனர். சிவகங்கை மாவட்டத்தில் உள்ள கல்லல் பகுதியில் இந்த பணியில் வாக்குச்சாவடி அலுவலர்கள் மும்முரமாக ஈடுபட்டுள்ளனர். ஒவ்வொரு வாக்குச் சாவடியிலும் வெளியூர், இறந்த வாக்காளர்கள் விவரம், வெளிநாட்டிலுள்ள வாக்காளர்கள் குறித்தும் கணக்கெடுத்து வருகின்றனர்.