தமிழகத்தில் பெரும்பாலான பள்ளிகளில் மாணவர்களுக்கு கொரோனா தொற்று பரவி வருவதால் சக மாணவர்கள் மற்றும் ஆசிரியர்கள் அனைவரும் அதிர்ச்சி அடைந்துள்ளனர்.
தமிழகத்தில் கொரோனா அச்சுறுத்தல் காரணமாக கடந்த மார்ச் மாதம் பள்ளி மற்றும் கல்லூரிகள் அனைத்தும் மூடப்பட்டன. அதனால் மாணவர்கள் அனைவருக்கும் ஆன்லைன் மூலமாக வகுப்புகள் நடத்தப்பட்டு வந்தன. இதனையடுத்து 10 மற்றும் 12ஆம் வகுப்பு மாணவர்களுக்கு பொதுத்தேர்வு நெருங்கிக் கொண்டிருப்பதால், பெற்றோர்களிடம் கருத்து கேட்கப்பட்டு பள்ளிகள் திறக்கப்பட்டன. தற்போது தமிழகம் முழுவதிலும் 9 முதல் 12 ஆம் வகுப்பு மாணவர்கள் அனைவருக்கும் பள்ளிகள் திறக்கப்பட்டு வகுப்புகள் நடந்து கொண்டிருக்கின்றன.
இந்நிலையில் தமிழகத்தில் கடந்த சில நாட்களாக கொரோனா பாதிப்பு அதிகரித்து வருவதால், சில பள்ளிகளில் மாணவர்களுக்கு கொரோனா பாதிப்பு உறுதி செய்யப்பட்டு வருகிறது. அதனால் பெற்றோர்கள் அனைவரும் அச்சமடைந்துள்ளனர். இதனையடுத்து அரியலூர் அருகே தாமரை குளம் கிராமத்தில் தனியார் தொழில் பயிற்சி பள்ளியில் பயிலும் மாணவருக்கு கொரோனா பாதிப்பு உறுதியாகியுள்ளது.
அதனைப்போலவே ஆம்பூர் அரசு நிதி உதவி பெறும் பள்ளியில் பிளஸ் 1 படிக்கும் மாணவருக்கும் கொரோனா பாதிப்பு உறுதியாகியுள்ளது. இதனால் சக மாணவர்கள் மற்றும் ஆசிரியர்கள் அனைவரும் அதிர்ச்சி அடைந்துள்ளனர். ஏற்கனவே சுண்டக்குடி அரசு பள்ளியில் 4 பேருக்கும், அம்மாபேட்டை பெண்கள் மேல்நிலைப்பள்ளியில் 56 மாணவிகளுக்கும் கொரோனா உறுதியானது குறிப்பிடத்தக்கது.