தமிழகத்தின் முதல்வர் பழனிசாமி மற்றும் துணை முதல்வர் பன்னீர்செல்வத்தின் சொத்து மதிப்பு வெளியிடப்பட்டுள்ளது.
தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இதற்கு மத்தியில் சட்டமன்ற தேர்தலில் போட்டியிடும் வேட்பாளர்கள் பட்டியலை ஒவ்வொரு கட்சியும் வெளியிட்டு வருகிறது.
அதுமட்டுமன்றி தொகுதி பங்கீடு பற்றியும் பேச்சுவார்த்தை நடத்தப்பட்டு, தங்கள் கூட்டணியில் உள்ள கட்சிகளுக்கு தொகுதிகள் ஒதுக்கீடு செய்யப்பட்டு வருகின்றன. மேலும் தங்கள் ஆட்சி தமிழகத்தில் அமைந்தால் மக்களுக்கு பல்வேறு நலத்திட்டங்களை செய்து தருவதாக ஒவ்வொரு கட்சியும் போட்டியிட்டுக் கொண்டு தேர்தல் அறிக்கையை வெளியிட்டு வருகிறது. அதில் மக்களை கவரும் வகையில் பல்வேறு சிறப்பு அம்சங்கள் இடம் பெற்றுள்ளன. இது ஒரு பக்கம் இருக்க, மறுபக்கம் மக்களைக் கவர அனைத்து கட்சியினரும் மக்களிடம் நேரடி தேர்தல் பிரசாரத்தில் களமிறங்கியுள்ளனர்.
இந்நிலையில் முதல்வர் பழனிசாமியின் சொத்து மதிப்பு ரூ.1 கோடி குறைந்துள்ளது. 2016 ஆம் ஆண்டு கோடியாக இருந்த அசையும் சொத்து, 2021 ஆம் ஆண்டில் 2.01 கோடியாக சரிந்துள்ளது. 2016 ஆம் ஆண்டு ரூ.4.66 கோடியாக இருந்த அசையா சொத்து, 2021 ஆம் ஆண்டில் கோடியாக உள்ளது. துணை முதல்வர் ஓபிஎஸ்க்கு ரூ.4.43 கோடி மதிப்பில் சொத்துக்கள் உள்ளன. அவரது மனைவி பெயரில் கோடி சொத்துகள் உள்ளதாக வேட்பு மனுவில் தெரிவித்துள்ளார். ஓபிஎஸ் பெயரில் பூர்வீக சொத்து, விவசாய நிலங்கள் எதுவும் இல்லை. அசையா சொத்து மதிப்பை விட வங்கி கடன் அதிகம் உள்ளதாகவும் கூறியுள்ளார்.