கோவை மாவட்டம் ஈச்சனாரி அருகே இரண்டு லாரிகள் நேருக்கு நேர் மோதியதில் பெட்ரோல் டேங்கர் லாரி ஓட்டுநர் உடல் நசுங்கி பலியானார்.
கோவை மாவட்டம் ராசிபுரத்தை சேர்ந்தவர் சங்கர். இவர் பெட்ரோல் டேங்கர் லாரி ஓட்டுநராக வேலை பார்த்து வருகிறார். சம்பவத்தன்று கேரள மாநிலம் கொச்சியில் இருந்து பெட்ரோல் நிரப்பி விட்டு பெங்களூர் நோக்கி சென்றுள்ளார். மதுக்கரை அடுத்துள்ள ஈச்சனாரி எல்.அன்.டி பைபாஸ் அருகே லாரி சென்றபோது போது எதிரே சேலத்தில் இருந்து பாலக்காடு நோக்கி டைல்ஸ் லோடு ஏற்றிக்கொண்டு வந்த லாரி மீது எதிர்பாராத விதமாக மோதியது.
இதில் பெட்ரோல் டேங்கர் லாரி ஓட்டுநர் சங்கர் உடல் நசுங்கி சம்பவ இடத்தில் பலியானார். மேலும் உடன் வந்த கிளீனர் மற்றும் டைல்ஸ் லாரி ஓட்டுநர் படுகாயங்களுடன் மருத்துவமனையில் சேர்க்கப்பட்டனர். இதையடுத்து சம்பவ இடத்துக்கு வந்த தீயணைப்பு படையினர் லாரியில் சிக்கி உயிரிழந்த சங்கர் உடலை மீட்டு கோவை அரசு மருத்துவமனைக்கு அனுப்பி வைத்தனர். போலீசார் விசாரணையில் அதிவேகமாக சென்றதே விபத்துக்குக் காரணம் என்பது தெரியவந்துள்ளது