மதுரையில் கல்யாண வீட்டில் திருடர்கள் சிறுவனிடமிருந்து 3 பவுன் தங்கச்சங்கிலியை திருடிய சம்பவம் பரபரப்பை ஏற்படுத்தியது.
மதுரை மாவட்டம் அலங்காநல்லூரில் நடைபெற்ற கல்யாண வீட்டிற்கு பெற்றோருடன் அவர்களது 9 வயது சிறுவனும் சென்றுள்ளான். இந்நிலையில் கல்யாண நிகழ்ச்சியில் முழு கவனத்தையும் செலுத்திய பெற்றோர்கள் மகனை கவனிக்காத நிலையில் , தனியாக இருந்த சிறுவனிடமிருந்து சுமார் 3 பவுன் தங்கச்சங்கிலியை திருடர்கள் பறித்துச் சென்றனர். இதையடுத்து பெற்றோர்கள் அலங்காநல்லூர் காவல் நிலையத்தில் புகார் அளித்தனர் .
இவர்கள் அளித்த புகாரின் பேரில் விசாரணை செய்த காவலர்கள் அங்குள்ள சிசிடிவி கேமரா காட்சிகள் மூலம் திருடர்களை பிடித்தனர் . இதில் அதே கல்யாண வீட்டிற்கு வந்த மிளகரணை சேர்ந்த பிரியதர்ஷினி என்பவரும் அம்பலதடியை சேர்ந்த பழனி குமார் என்பவரும் சேர்ந்து நகையை திருடியது அம்பலமானது. மேலும் போலீசார் இருவரையும் கைது செய்து 3 பவுன் தங்கச்சங்கிலியை மீட்டு உரியவர்களிடம் ஒப்படைத்தனர்.
