இரண்டு மாதங்களுக்கு பிறகு ரஜினியின் அண்ணாத்த படப்பிடிப்பு மீண்டும் துவங்கப்பட்டுள்ளது.
முன்னணி நடிகர் ரஜினி நடிப்பில் உருவாகி வரும் படம் “அண்ணாத்த”.சிவா இயக்கும் இப்படத்திற்கு டி இமான் இசையமைக்கிறார். மேலும் மீனா, குஷ்பு, கீர்த்தி சுரேஷ், நயன்தாரா, சூரி, பிரகாஷ்ராஜ் உள்ளிட்ட பல பிரபலங்கள் இப்படத்தில் நடித்து வருகின்றனர். இப்படத்தின் படப்பிடிப்பு ஹைதராபாத்தில் கடந்த டிசம்பர் மாதம் நடைபெற்று வந்தது.
ஆனால் படப்பிடிப்பில் பணியாற்றிய 4 டெக்னீசியன்களுக்கு கொரோனா தொற்று இருப்பது கண்டறியப்பட்டதால் படப்பிடிப்பு தற்காலிகமாக நிறுத்தப்பட்டது.இந்நிலையில் இரண்டு மாதங்களுக்குப் பிறகு அண்ணாத்த படப்பிடிப்பு மீண்டும் தொடங்கப்பட்டு உள்ளதாக தகவல் வெளியாகியுள்ளது. இப்படம் வரும் தீபாவளிக்கு ரிலீஸாகும் என்று அறிவிக்கப்பட்டுள்ளது.