முன்னணி நடிகர் விஜய் சேதுபதியின் பரந்த மனதை ரசிகர்கள் பாராட்டி வருகின்றனர்.
தமிழ் சினிமாவில் வெளியான ஈ, பேராண்மை, புறம்போக்கு, உள்ளிட்ட பல படங்களை இயக்கியவர் எஸ்.பி.ஜனநாதன். இவர் விஜய் சேதுபதி நடிப்பில் உருவாகியுள்ள லாபம் திரைப் படத்தை கடைசியாக இயக்கி உள்ளார். அதன்பிறகு இவர் உடல்நலக்குறைவால் காலமானார். இவரின் மறைவிற்கு பல்வேறு திரை பிரபலங்களும் தங்களது ஆழ்ந்த இரங்கலை தெரிவித்தனர்.
சிலர் நேரில் வந்து அஞ்சலி செலுத்தினர். நடிகர் விஜய் சேதுபதி இவரது இறுதி சடங்கு ஊர்வலத்தில் கலந்துகொண்டு கண்ணீர் மல்க எஸ்.பி.ஜனநாதனுக்கு விடை கொடுத்தார். மேலும் இவருக்கு மருத்துவமனையில் அனுமதிக்கப்பட்ட முதல் ஆன மருத்துவ செலவுகள் அனைத்தையும் விஜய் சேதுபதி செலுத்தியுள்ளார். இதனால் ரசிகர்கள் விஜய் சேதுபதியின் பரந்த மனதை பாராட்டி வருகின்றனர்.
