தமிழகத்தில் 9 முதல் 11 ஆம் வகுப்பு மாணவர்களுக்கு தேர்வுகள் நடைபெறாது என பள்ளிக்கல்வித்துறை மறு அறிவிப்பை வெளியிட்டுள்ளது.
தமிழகத்தில் கொரோனா அச்சுறுத்தல் காரணமாக கடந்த மார்ச் மாதம் பள்ளி மற்றும் கல்லூரிகள் அனைத்தும் மூடப்பட்டன. அதனால் மாணவர்கள் அனைவருக்கும் ஆன்லைன் மூலமாக வகுப்புகள் நடத்தப்பட்டு வந்தன. இதனையடுத்து 10 மற்றும் 12ஆம் வகுப்பு மாணவர்களுக்கு பொதுத்தேர்வு நெருங்கிக் கொண்டிருப்பதால், பெற்றோர்களிடம் கருத்து கேட்கப்பட்டு பள்ளிகள் திறக்கப்பட்டன. தற்போது தமிழகம் முழுவதிலும் 9 முதல் 12 ஆம் வகுப்பு மாணவர்கள் அனைவருக்கும் பள்ளிகள் திறக்கப்பட்டு வகுப்புகள் நடந்து கொண்டிருக்கின்றன. இந்நிலையில் பிளஸ் 2 மாணவர்களுக்கு பொதுத் தேர்வு மே 3ஆம் தேதி தொடங்கி 21ஆம் தேதி முடிவடையும் என பள்ளி கல்வித்துறை அறிவித்தது.
மேலும் 9 முதல் 11 ஆம் வகுப்பு மாணவர்கள் தேர்தல் நடத்தப்படாமல் ஆல் பாஸ் செய்யப்படுவதாக அறிவிக்கப்பட்டது. இந்நிலையில் 9 முதல் 11 ஆம் வகுப்பு மாணவர்களுக்கு பள்ளி அளவில் தேர்வு நடத்தி மதிப்பெண்கள் வழங்க தமிழக அரசு உத்தரவிட்டது. ஏப்ரல் 15ஆம் தேதிக்குள் இந்த தேர்வை நடத்தி முடிக்கவும் அறிவுறுத்தப்பட்டது. ஏற்கனவே 9 முதல் 11 ஆம் வகுப்பு மாணவர்கள் அனைவரும் தேர்ச்சி என அறிவிக்கப்பட்ட நிலையில், 11ஆம் வகுப்பு மாணவர் சேர்க்கை நடத்துவதற்காக பொதுத் தேர்வு நடத்த உத்தரவிடப்பட்டது.
இதனை அடுத்து தமிழகத்தில் கொரோணா முன்னெச்சரிக்கை நடவடிக்கையாக 9 முதல் 11 ஆம் வகுப்பு மாணவர்களுக்கு தேர்வுகள் நடைபெறாது என பள்ளிக்கல்வித்துறை ஒரு அறிவிப்பை வெளியிட்டுள்ளது. 11ஆம் வகுப்பு மாணவர் சேர்க்கையில் குழப்பம் ஏற்படாமல் இருக்க பள்ளி அளவிலேயே பொதுத்தேர்வு வைத்து மதிப்பெண் வழங்க வேண்டும் எனக் கூறிய நிலையில் தற்போது உடனே மறு அறிவிப்பு வெளியிடப்பட்டுள்ளது.